2023 թվականը ներառյալ ունենք 4-րդ աստիճանի վթարայնության 14 շենք․․ Այս մասին այսօր Երևանի քաղաքապետարանի

գործակարգավարական նիստի ժամանակ հայտնեց Շինարարության և բարեկարգման վարչության պետ Խորեն Գրիգորյանը․․ «Կենտրոնում՝ 1, Էրեբունիում՝ 1, Շենգավիթում՝ 5, Աջափնյակում՝ 5, Ավանում՝ 1, Քաղաքեռ-Զեյթունում՝ 1: 3-րդ աստիճան վթարայնություն ունեցող շենքերի թիվը 107 է: Աջափնյակում՝ 36, Արաբկիրում՝ 5, Ավանում՝ 1, Կենտրոնում՝ 13, Շենգավիթում՝ 25,

Մալաթիա-Սեբասիտիայում՝ 5, Էրեբունիում՝ 16, Քանաքեռ-Զեյթունում՝ 3, Նոր Նորքում՝ 2, Նուբարաշենում՝ 1»,- թվարկեց նա․․ Քաղաքապետ Տիգրան Ավինյանն էլ արձագանքեց՝ ասելով՝ դեռ մեծ հարց է՝ պետք է ամրակայե՞լ 3-րդ կարգի վթարայանության

շենքերը, թե՞ նոր թաղամասեր կառուցել․․ն «Մենք այս վերջերս 40-ից ավել բնակարան հանձնեցինք տարբեր վթարային շենքերի բնակիչների, և հիմնականում դա Արցախի նրբանցքի շենքերն էին: Հենց այդ մարդկանց ամբողջական տեղափոխումը լինի, խնդրում եմ անպայմանորեն կազմակերպել այդ շենքերի քանդումը, վերջնական քանդենք այդ 4-րդ կարգի վթարային շենքերը, որ նորից մարդիկ

չգան ապրեն, ու նույն ցիկլի մեջ չմտնենք: Չստացվի՝ ևս 3 հոգի եկել ապրում է այդ շենքում, եկեք այս մարդկանց խնդիրն էլ լուծենք, դրա համար բոլորին տեղափոխենք ու տեղափոխելու հաջորդ օրը միանգամից քանդենք շենքերը, թող գնան պատմության գիրկը»,- ասաց նա․․